PËRDITËSIM: Ukë Rugova falënderon Lumir Abdixhiku për trashëgiminë e Rugovës në LDK

Sot shënohet 20-vjetori i vdekjes së Presidentit historik të Kosovës, Dr. Ibrahim Rugova. Gjatë homazheve te varri i tij në Velani, djali i ish-presidentit, Ukë Rugova, ka falënderuar kryetarin e LDK-së, Lumir Abdixhiku, për punën e tij në ruajtjen e trashëgimisë rugoviane në parti dhe për të mirën e Kosovës.

"Ju faleminderit dhe njëherë për punën e mirë që po bëni në trashëgiminë e Presidentit Rugova në LDK dhe për të mirën e Kosovës dhe për të vazhduar miqësinë e përhershme me SHBA dhe Bashkësinë evropiane. Të faleminderit shumë kryetar",

u shpreh Ukë Rugova.

“Ju faleminderit dhe njëherë për punën e mirë që po bëni në trashëgiminë e Presidentit Rugova në LDK dhe për të mirën e Kosovës dhe për të vazhduar miqësinë e përhershme me SHBA dhe Bashkësinë evropiane. Të falemnderit shumë kryetar!”

Nën organizimin e Presidentes së Republikës, Vjosa Osmani:

• Ora 10:00: Homazhe tek varri i Presidentit Rugova në Velani.
• Ora 12:00: Akademi Përkujtimore në amfiteatrin e Bibliotekës Qendrore Universitare në Prishtinë.

Nën përkujdesjen e kryetarit të LDK-së, Lumir Abdixhiku, Lidhja Demokratike e Kosovës organizon Akademi Përkujtimore në nder të Atit Themelues të Republikës, Presidentit historik Dr. Ibrahim Rugova.

• Ora 11:00: Në Sallën e Kuqe të Pallatit të Rinisë në Prishtinë.

Kujtesë për liderin e rezistencës paqësore

Dr. Ibrahim Rugova ndërroi jetë më 21 janar 2006, në moshën 61-vjeçare. Ai udhëhoqi Kosovën drejt pavarësisë me politikën e rezistencës paqësore dhe mbetet figurë ikonike e historisë sonë kombëtare.

Këto aktivitete synojnë të ndjellin në kujtesë trashëgiminë e tij të madhe dhe rolin jetik në historinë e Kosovës moderne.