68 raste të dhunës në familje brenda një jave në Kosovë

Gjatë periudhës njëjavore të fundit, mbrojtësit e viktimave në të gjithë Kosovën kanë trajtuar gjithsej 78 raste të reja të paraqitura në Zyrën për Mbrojtje dhe Ndihmë të Viktimave.

Prej këtyre rasteve, 68 lidhen drejtpërdrejt me dhunën në familje, duke e bërë këtë fenomenin më të zakonshëm të raportuar. Kjo shifër e lartë nxjerr në pah nevojën urgjente për ndërhyrje më efektive për mbrojtjen e viktimave dhe parandalimin e dhunës familjare.

Zyra për Mbrojtje dhe Ndihmë të Viktimave vazhdon të jetë në vijën e parë të frontit për ndihmën ndaj personave në rrezik, duke ofruar mbështetje ligjore, psikologjike dhe sociale.

Shqetësim shoqëror i vazhdueshëm

Dhuna në familje mbetet një problem i madh në Kosovë, me pasoja të rënda për viktimat dhe shoqërinë. Autoritetet duhet të forcojnë masat kundër këtij fenomeni për të garantuar sigurinë e qytetarëve.