Aimona Vogli paralajmëron: AI dhe videot ‘deepfake’ po e bëjnë dezinformimin më të rrezikshëm

Zhvillimet në inteligjencën artificiale (AI) dhe përhapja e videove 'deepfake' po e çojnë dezinformimin në një nivel krejt të ri rreziku, veçanërisht në periudha të ndjeshme si fushatat zgjedhore.

Kështu ka deklaruar Aimona Vogli, menaxherja editoriale e Faktoje.al, në podcastin “Përballje” të Telegrafi.com.

“Inteligjenca artificiale po përdoret gjithnjë e më shumë për të krijuar përmbajtje të manipuluara, përfshirë video dhe imazhe që duken autentike, por që në realitet janë të rreme.”

Sipas Voglit, këto teknologji po e bëjnë dezinformimin më të rrezikshëm sepse ato prodhojnë materiale që është e vështirë t'i dallosh nga realiteti. Kjo situatë mund të ndikojë seriozisht në opinionin publik dhe proceset demokratike.

Vogli thekson nevojën për verifikim të rreptë faktik dhe mendim kritik nga publiku për të luftuar këto kërcënime të reja dixhitale.

Digjital.com vazhdon të promovojë informacionin e saktë dhe të verifikuar, duke u bazuar në burime të besueshme.