Aksident i rëndë në Grabovc të Poshtëm: Treni godet një veturë, tre të lënduar
Një aksident mes një treni dhe një veture ka ndodhur sot në fshatin Grabovc të Poshtëm, duke lënë të lënduar tre persona. Policia po heton rrethanat e rastit.
Aksident i rëndë në Grabovc të Poshtëm: Treni godet një veturë, tre të lënduar
Një aksident i rëndë ka ndodhur mesditën e sotme në fshatin Grabovc të Poshtëm, ku një tren është përplasur me një automjet civil. Si pasojë e kësaj përplasjeje, tre persona kanë pësuar lëndime trupore dhe kanë pasur nevojë për trajtim mjekësor.
Lajmi është konfirmuar nga Policia e Kosovës për rajonin e Prishtinës. Sipas zëdhënëses Flora Ahmeti, informata për aksidentin është pranuar rreth orës 13:50.
“Rreth orës 13:50 kemi pranuar informatën për një aksident trafiku në fshatin Grabovc i poshtëm. Në këtë aksident ka qenë i përfshirë një tren dhe një automjet. Si pasojë e aksidentit, tre persona kanë marrë lëndime trupore. Me rastin po merret Njësiti i Trafikut Rajonal.”
Njësiti i Trafikut Rajonal ka dalë menjëherë në vendin e ngjarjes dhe po merret me hetimin e rrethanave që çuan deri te ky aksident. Deri më tani nuk dihen shkaqet e sakta të përplasjes, ndërsa Policia po punon për zbardhjen e plotë të rastit.