Armend Zemaj: Sektori i shëndetësisë në krizë totale, kërkon hetim të pavarur dhe dorëheqje të menjëhershme

Deputeti i Lidhjes Demokratike të Kosovës (LDK), Armend Zemaj, ka dalë me një denoncim të ashpër ndaj gjendjes së sektorit të shëndetësisë në Kosovë. Ai e ka cilësuar atë si në nivelin më të ulët të përgjegjësisë institucionale, duke theksuar se situata nuk mund të vazhdojë më tutje.

“Çdo ditë një skandal i ri. Çdo ditë një aferë më e rëndë se tjetra. Ndërkohë, profesionistët shëndetësorë dhe stafi janë nën presion të papranueshëm nga klikat qeverisëse, duke ju cenuar dinjitetin dhe duke krijuar mundësi për abuzuesit në emër të shëndetësisë profesionale. Kjo situatë nuk mund të vazhdojë më.”

Zemaj ka kërkuar një hetim të plotë dhe të pavarur për të gjitha aferat e shëndetësisë. Ai ka deklaruar se dorëheqjet janë veprimi më i vogël që mund të bëjnë përgjegjësit, por i domosdoshëm për të ndalur degradimin e vazhdueshëm.

Sipas tij, ky mandat qeverisës ka lënë pasoja afatgjata të vështira për t’u riparuar. Shëndetësia, si shërbim jetik, po kthehet në mjet për abuzime personale dhe parapolitike të partisë në pushtet.

“Dorëheqjet janë veprimi me i paktë i përgjegjësve.”

Profesionistët e shëndetësisë po vuajnë presion të madh nga "klikat qeveritare", çka cenon dinjitetin e tyre dhe hap rrugë për abuzime të mëtejshme.

Indeksonline raportoi këtë deklaratë të Zemajt, duke nxjerrë në pah nevojën urgjente për reforma në sektorin e shëndetësisë.