Arne Slot i frustruar nga humbja e Liverpoolit ndaj Bournemouth: 'Lojtarëve u mbaroi energjia, orari i ngjeshur pengesë'

Liverpool ka humbur me rezultat 3-2 në udhëtim te Bournemouth në javën e fundit të Ligës Premier, duke pësuar gol në minutën e 95-të dhe duke humbur një pikë të rëndësishme. Trajneri Arne Slot ka shprehur frustrimin e tij pas këtij rezultati të papritur.

"Frustruese, sigurisht. Të pësosh një gol në minutën e fundit të ndeshjes është gjithmonë frustruese, por sidomos kur nuk ka kohë të mbetur për t’u rikthyer në lojë", deklaroi Slot pas ndeshjes.

“Mendoj se mund të them me siguri se ata mund ta kishin shënuar golin e tretë edhe më herët. Disa lojtarëve tanë u mbaroi energjia dhe nuk mund t’i kritikoj për këtë.”

Trajneri holandez theksoi se Liverpool ishte skuadra më intensive në fushë, por lodhja luajti rol vendimtar. Reds luajtën dy ditë më parë në Francë kundër Olympique Marseille në Champions League.

"Dy ditë më parë na u desh të luanim një ndeshje jashtë fushe në Evropë. Jemi e vetmja skuadër që ka luajtur në Ligën e Kampionëve dhe ka vetëm dy ditë pushim mes ndeshjeve. Pas një ndeshjeje jashtë fushe, vjen një tjetër ndeshje jashtë fushe kundër një prej ekipeve më intensive", u shpreh Slot.

Kjo humbje i dha fund serisë prej 13 ndeshjesh pa humbje të Liverpoolit në të gjitha garat dhe zgjati serinë pa fitore në Premier League në pesë ndeshje. Slot pranoi se Bournemouth meritonte fitoren, por theksoi dominimin e tij në pjesën më të madhe të lojës.

Burimi: Telegrafi