PËRDITËSIM: Arrestohet kosovari Petrit Bahtijari në operacionin ndërkombëtar me EUROPOL për krim financiar
Indeksonline raporton se Petrit Bahtijari u arrestua pas një tentative të mëparshme policie në Lagjen Marigona. Operacioni 'Switch Off' godet rrjetin e piraterisë IPTV dhe shpëlarjen e parave në disa vende, përfshirë Kosovën.
PËRDITËSIM: Arrestohet Petrit Bahtijari në operacionin ndërkombëtar me EUROPOL
Nën udhëheqjen e Prokurorisë Speciale të Republikës së Kosovës, Policia e Kosovës ka zhvilluar një operacion policor më 22 janar të këtij viti, në kuadër të një hetimi të përbashkët të koordinuar nga EUROPOL-i dhe Prokuroria Distriktuale e Republikës së Katanias.
Gjatë hetimeve ka rezultuar se në mesin e të dyshuarve të këtij grupi kriminal është edhe shtetasi kosovar Petrit Bahtijari, i dyshuar për krim financiar.
Burime të Indeksonline bëjnë të ditur se javën e kaluar policia kishte tentuar të arrestonte Bahtijarin në shtëpinë e tij në Lagjen Marigona të Prishtinës, por nuk kishte arritur.
Operacioni synon luftën kundër krimit financiar dhe piraterisë audiovizive përmes sistemit IPTV, që ka çuar në shpëlarjen e parave në disa shtete.
Bastisje janë kryer në dy lokacione në Prishtinë dhe fshatin Zaplluxhë të Komunës së Dragashit, për veprat penale: “Cenim i të drejtave të autorit” (neni 290 KPRK) dhe “Shpëlarja e parave” (neni 302 KPRK).
“Gjatë bastisjes është gjetur dhe sekuestruar një kompjuter dhe katër hard disqe.”
Operacioni u zhvillua njëkohësisht në Mbretërinë e Bashkuar, Spanjë, Itali dhe Ruman i. Bashkëpunuan edhe Kanadaja, India, Koreja e Jugut dhe Emiratet e Bashkuara.
“Prokuroria Speciale dhe Policia e Kosovës ritheksojnë përkushtimin në luftën kundër krimit financiar dhe atij ekonomik.”
Ky operacion tregon bashkëpunimin ndërkombëtar efektiv kundër krimit të organizuar transnacional.