Dalin pamjet: Momenti kur malaziasi futet në oborr për t'i vjedhur dy zagarët e familjes Jusufi
Përditësim: Policia e Prishtinës arreston Mladen Milošević për vjedhje të dy zagarëve në Sharban. Dalin pamjet nga momenti i tentativës, ku shihet i ndihmuar nga një person tjetër i armatosur.
Dalin pamjet: Momenti kur malaziasi futet në oborr për t'i vjedhur dy zagarët e familjes Jusufi
Drejtoria e Policisë së Prishtinës ka arrestuar sot një person të dyshuar për kryerjen e veprës penale vjedhje e rëndë, e cila dyshohet se ka ndodhur më 28.02.2025 në fshatin Sharban të Prishtinës.
I arrestuari është Mladen Milošević, 31-vjeçar shtetas i Malit të Zi. Ngjarja ka ndodhur në oborrin e familjes Jusufi.
Indeksonline ka siguruar pamjet kur Mladeni, i ndihmuar nga një person tjetër, futet në oborrin e familjes Jusufi me një veturë të parkuar disa metra më larg.
Familjarët kanë thënë për Indeksonline se personi që po asistonte në kryerjen e vjedhjes, ishte i armatosur.
“31-vjeçari malazias shtetas i Malit të Zi, në koordinim me prokurorin e shtetit, është intervistuar dhe është dërguar në mbajtje për 48 orë.”
Policia po vazhdon hetimet për zbardhjen e plotë të rastit. Kjo ngjarje nxjerr në pah rëndësinë e sigurisë në zonat rurale.