Ky është Rama Ramadani, i arrestuari në Prishtinë i kërkuar nga INTERPOL-i gjerman për trafik droge – PËRDITËSIM
Policia e Kosovës ka identifikuar si Rama Ramadani personin e arrestuar në Prishtinë, të kërkuar nga INTERPOL-i gjerman për trafik droge narkotike. Ai është emër i njohur në botën e narkotikëve dhe pjesë e një rrjeti ndërkombëtar. I dyshuari është në ndalim 48-orësh.
Ky është Rama Ramadani, i arrestuari në Prishtinë i kërkuar nga INTERPOL-i gjerman për trafik droge – PËRDITËSIM
Policia e Kosovës ka identifikuar si Rama Ramadani shtetasin e huaj të arrestuar në Prishtinë. Ai është emër i njohur në botën e narkotikëve dhe dyshohet se ka qenë pjesë e një rrjeti ndërkombëtar për trafikim lëndësh narkotike në Gjermani dhe vende të tjera.
Zyrtarët e Drejtorisë për Bashkëpunim Ndërkombëtar Policor (ILECU), në bashkëpunim me Stacionin Policor Jugu në Prishtinë, kanë kryer arrestimin. Ramadani ishte në kërkim ndërkombëtar përmes INTERPOL-it me urdhër-arrest nga Gjermania për "Trafikimin e drogave narkotike në mënyrë të përsëritur dhe fitimprurëse".
“Me urdhër të Prokurorit Kujdestar, i arrestuari është dërguar në ndalim policor për 48 orë, me qëllim të vazhdimit të procedurave të mëtejme ligjore, në përputhje me legjislacionin në fuqi.”
Policia e Kosovës thekson përkushtimin ndaj bashkëpunimit ndërkombëtar dhe luftës kundër krimit të organizuar. Ky arrestim tregon efikasitetin e operacioneve të përbashkëta.