Begaj për Rugovën: Vizioni i tij për Kosovën sot është realitet

Presidenti i Shqipërisë, Bajram Begaj, ka shprehur respektin e tij të thellë ndaj ish-Presidentit të Kosovës, Ibrahim Rugovës, në përvjetorin e 20-të të ndarjes së tij nga jeta.

Begaj e ka cilësuar Rugovën si një vizionar të vërtetë, i cili me urtësi, durim dhe mençuri projektoi një Kosovë të pavarur, të lirë dhe të orientuar drejt vlerave evropiane.

““Sot përkujtojmë Ibrahim Rugovën, Presidentin vizionar të Kosovës, që me urtësi, durim e mençuri projektoi Kosovën e pavarur e të lirë. Presidenti Rugova e mendoi të ardhmen e Kosovës të lidhur ngushtë me vlerat evropiane: demokracinë, të drejtat e njeriut, pluralizmin dhe shtetin e së drejtës”.”

Sipas tij, vizioni i Rugovës nuk është vetëm një ëndërr e shkuar, por një realitet i plotë sot. Paqja, dialogu dhe orientimi drejt Evropës janë bazat e shtetndërimit dhe zhvillimit të qëndrueshëm të Kosovës.

““Vizioni i tij është sot një realitet. Trashëgimia e tij dëshmon se paqja, dialogu dhe orientimi drejt Evropës janë gurthemeli i shtetndërtimit dhe i së ardhmes së qëndrueshme””

Kjo deklaratë vjen në një moment kur figura të ndryshme politike në Kosovë dhe jashtë saj po nderojnë trashëgiminë e liderit historik, duke theksuar rolin e tij thelbësor në pavarësinë dhe demokratizimin e vendit.

/Indeksonline/