Bislimi dhe Petkoviqi në Bruksel për raundin e parë të negociatave Kosovë-Serbi në 2026

Një takim i rëndësishëm mes kryenegociatorëve të Kosovës, Besnik Bislimi, dhe Serbisë, Petar Petkoviqi, po mbahet sot në Bruksel nën ndërmjetësimin e emisari special të BE-së, Peter Sorensen. Ky është raundi i parë i negociatave për vitin 2026, pas një pauze të gjatë për shkak të tensioneve politike.

Lajmi u bë i ditur fillimisht nga pala serbe dhe BE-ja, ndërsa në Kosovë nuk ka pasur ende një njoftim zyrtar nga Zyra e zëvendëskryeministrit në detyrë, Besnik Bislimi. Gazeta Koha raporton se BE-ja e ka konfirmuar takimin si "takim të rregullt të kryenegociatorëve për normalizimin e marrëdhënieve mes Kosovës dhe Serbisë".

“Mund të konfirmojmë se emisari special i Bashkimit Evropian për Dialogun, Peter Sorensen është duke udhëhequr takimin e rregullt të kryenegociatorëve në Bruksel për normalizimin e marrëdhënieve mes Kosovës dhe Serbisë.”

Takimi vjen pas vizitës së Sorensen në Prishtinë dhe Beograd, ku ai shprehu optimizëm për zhvillimet e mundshme në 2026. "Kam shpresë të madhe që 2026 na sjell atë që 2025 nuk e solli", kishte thënë Sorensen më 14 janar në Prishtinë.

Në agjendë pritet të jetë Deklarata e përbashkët për personat e zhdukur, si dhe çështje të tjera si Asociacioni i komunave serbe nga ana serbe. Delegacioni serb, i kryesuar nga Petkoviq, ka arritur tashmë në Bruksel.

Heshtja e qeverisë kosovare

Zyra e Bislimit nuk ka dhënë ende konfirmim për udhëtimin e tij në Bruksel. Këshilltari i tij, Klisman Kadiu, nuk iu përgjigj pyetjeve të medias. Ky është takimi i parë i nivelit të lartë që nga tensionet e Banjskës në 2023.

Rundi i fundit teknik u mbajt në shtator të vitit të kaluar. Takimet pritet të zhvillohen fillimisht bilateralisht, pastaj në format trepalësh.