Borë dhe akull në pikat kufitare: Vështirësohet qarkullimi në tri lokacione kryesore
Bora dhe akulli kanë vështirësuar qarkullimin në pikat kufitare Glloboçicë, Mutivodë dhe Kullë. Autoritetet kërkojnë pajisje dimërore.
Gjendja e pikes kufitare: Ku ka vështirësi?
Reshjet e borës dhe temperaturat e ulëta kanë krijuar shtresa akulli në disa rrugë që shpien drejt pikave kufitare të Kosovës, duke vështirësuar qarkullimin e automjeteve. Sipas të dhënave të fundit nga Qendra Kombëtare për Menaxhimin Kufitar, situata më e rënduar paraqitet në pjesët malore.
Në piken kufitare Fushë-Pajtimi – Glloboçicë, raportohet për prani të borës dhe akullit. Ndonëse rruga është e kalueshme, autoritetet kërkojnë kujdes maksimal nga drejtuesit e mjeteve.
Pajisjet dimërore, të obligueshme në Mutivodë dhe Kullë
Një situatë e ngjashme është regjistruar edhe në piken Mutivodë (Prishtinë), ku akulli dhe bora kanë bërë që përdorimi i pajisjeve dimërore, përfshirë zinxhirët dhe gomat adekuate, të jetë i obligueshëm për çdo automjet.
Vështirësi në qarkullim ka edhe në piken kufitare Pejë – Kullë. Policia e Kosovës ka bërë thirrje që qytetarët të mos nisen drejt këtyre zonave pa u siguruar që mjetet e tyre janë të pajisura plotësisht për kushtet dimërore.
Pikat e tjera janë stabile
Për dallim nga zonat malore, pikat e tjera kufitare raportohet se janë në gjendje të mirë dhe rrugët janë të pastruara. Megjithatë, për shkak të temperaturave të ulëta që mund të shkaktojnë ngrica të papritura, rekomandohet vigjilencë në të gjitha akset rrugore.
