BQK rikujton afatin për licencimin e operatorëve të kripto-aseteve

Banka Qendrore e Republikës së Kosovës (BQK) ka nxjerrë një njoftim të rëndësishëm për operatorët që ofrojnë shërbime të kripto-asetetve dhe kanë aktivitete të këmbimit.

Rregullorja e re, e cila hyri në fuqi në nëntor të vitit të kaluar, shënon hapin e parë drejt rregullimit gradual të këtij sektori dhe rritjes së transparencës financiare në Kosovë.

“Me hyrjen në fuqi të saj, subjektet që janë objekt i licencimit obligohen që, brenda një afati prej 90 ditësh (deri më 1 mars 2026), të ndërmarrin të gjitha veprimet e nevojshme për aplikim për licencë dhe për përshtatje të plotë me kërkesat e përcaktuara në këtë Rregullore.”

Afati i mbetur deri më 1 mars 2026 është i fundit për dorëzimin e aplikacioneve dhe përmbushjen e kërkesave gjatë periudhës kalimtare. BQK-ja thekson se pas këtij afati, ushtrimi i veprimtarisë pa licencë do të konsiderohet shkelje e rregullores.

“Pas përfundimit të këtij afati, ushtrimi i veprimtarisë së ofrimit të shërbimeve të kripto-aseteve pa licencë të BQK-së ose në mospërputhje me kërkesat rregullative do të konsiderohet shkelje e dispozitave të Rregullores dhe do të trajtohet në përputhje me legjislacionin në fuqi.”

Kjo njoftim vjen si rikujtim për të gjithë operatorët për të respektuar afatet ligjore dhe për të kontribuar në rregullimin e sektorit të kriptovalutave në Kosovë.