Brooklyn Beckham refuzon pajtimin me prindërit: "Ata nuk e respektojnë gruan time Nicola Peltz"
Brooklyn Peltz Beckham ka akuzuar prindërit e tij, David dhe Victoria Beckham, se kanë tentuar të shkatërrojnë martesën e tij me Nicola Peltz përmes kontrollit të mediave. Deklarata e tij në Instagram ka nxjerrë në pah një konflikt familjar të gjatë.
Brooklyn Beckham hap zemrën për konfliktin me prindërit
Brooklyn Peltz Beckham, djali i madh i ish-futbollistit të famshëm David Beckham dhe ish-këngëtares së Spice Girls, Victoria Beckham, ka deklaruar hapur se nuk dëshiron të pajtohet me prindërit e tij.
Ai e bëri këtë përmes një serie postimesh në Instagram, ku për herë të parë pranon publikisht prishjen e marrëdhënieve familjare, një temë që ka qarkulluar në media prej kohësh, sipas CNN.
Akuzat ndaj David dhe Victoria Beckham
Brooklyn akuzon prindërit se kanë tentuar të “shkatërrojnë” martesën e tij me aktoren dhe trashëgimtarën miliardere Nicola Peltz, vajzën e biznesmenit Nelson Peltz.
““Gjatë gjithë jetës sime, prindërit e mi kanë kontrolluar narrativat në media për familjen tonë. Ata kanë qenë duke u përpjekur pa pushim të shkatërrojnë marrëdhënien time me bashkëshorten, që para martesës së nesh në 2022.””
Ai shton se pas martesës mori mbiemrin e dyfishtë Peltz Beckham dhe se për herë të parë po mbron veten publikisht para 16.3 milionë ndjekësve të tij.
Konflikti familjar prej vitesh
Zërat për përçarje mes familjes Beckham dhe djalit të tyre të madh kanë qarkulluar prej vitesh në tabloide. CNN ka tentuar të kontaktojë David dhe Victoria Beckham për reagim, por pa sukses të konfirmuar.
Brooklyn iu referua disa rasteve specifike që kanë thelluar konfliktin, duke theksuar mungesën e respekti ndaj bashkëshortes së tij.
Burimi: Nacionale / CNN