Lindon Emërllahu rrëfen debutimin e tij të hershëm si 17-vjeçar te Ballkani

Futbollisti i njohur kosovar Lindon Emërllahu ka qenë i ftuari i radhës në podcastin "Arena e Yjeve", të mbështetur nga sponsorët Golden Eagle, Air Munich dhe Exfis.

Gjatë bisedës, ai ka folur për fillimet e tij në futboll dhe momentin kur u ftua për herë të parë në stërvitje me ekipin e parë të Ballkanit.

Trajneri Ismet Munishi kishte ndjekur me kujdes ndeshjet e grupmoshave të reja U17 dhe U19, ku Emërllahun e kishte dalluar si talent.

““Trajneri Ismet Munishi vinte na shikonte ndeshjet e U17, U19. Edhe si çdo klub që ka shumë të rinj në ekip, ishte dëshira e tij që erdhi e shikoi ndeshjen, pas ndeshjes, këta e këta lojtarë në stërvitje”.”

Për Emërllahun, kjo ftesë ishte një privilegj i madh, sidomos në një kohë kur Ballkani sapo kishte hyrë në Superligë dhe entuziazmi ishte në kulm.

““Na ftoi në stërvitje. Ishte privilegj, pasi që ka pasur shumë lojtarë të fortë edhe në atë kohë Ballkani vetëm sa kishte nisur në Superligë edhe entuziazmi ishte shumë i lartë dhe për ne, për mua dhe disa shokë të tjerë të cilët na ka ftuar trajneri Ismet Munishi, ishte diçka e jashtëzakonshme...””

Debutimin e plotë në ndeshje ia dha trajneri Blendi Shkëmbi, duke e shndërruar atë në një nga lojtarët e rinj më premtues të klubit.

Kjo histori nxjerr në pah rëndësinë e zbulimit të talenteve të reja dhe rolin e trajnerëve në zhvillimin e karrierës së futbollistëve kosovarë.