Denoncim i rëndë nga PD: Fëmijë 10-vjeçar Romeo Kore arrestohet nga policia në Tiranë, në gjendje shoku

Deputeti i Partisë Demokratike (PD), Bardh Spahia, ka bërë një denoncim të fortë para medias jashtë Komisariatit Nr. 1 në Tiranë. Sipas tij, një fëmijë 10-vjeçar me emrin Romeo Kore është arrestuar nga policia gjatë protestave të opozitës dhe ndodhet në gjendje shoku psikologjik.

Spahia deklaroi se deri më tani janë raportuar 23 protestues të shoqëruar, ndërsa theksoi se fëmijës nuk i është dhënë prania e një psikologu dhe i është bërë presion i jashtëzakonshëm.

““Ky është një fëmijë 10-vjeç që gjendet i arrestuar në Komisariatin nr. 1 të Tiranës. Është arrestuar pa praninë e psikologut. Është dhunuar dhe i është bërë presion i jashtëzakonshëm, është në shok të vërtetë psikologjik. Përveç atyre dhjetëra qytetarëve që janë ndaluar, është edhe ky fëmijë 10-vjeçar. Është një 10-vjeçar i shoqëruar nga Policia në gjendje shoku psikologjik. Romeo Kore është fëmija. I njoftojmë prindërit që, nëse janë të shqetësuar, ta dinë që është në Komisariatin nr. 1””

Sekretari i Përgjithshëm i PD-së, Flamur Noka, ka reaguar ashpër duke akuzuar kryeministrin Edi Rama dhe drejtorin e Policisë së Shtetit, Ilir Proda, për urdhra të hapur për dhunë dhe arrestime arbitrare.

““Me urdhër të narkokryeministrit Edi Rama, vegla e bandave kriminale e vendosur në krye të Policisë së Shtetit, Ilir Proda, ka dhënë urdhër të hapur për dhunë, terror dhe arrestime arbitrare ndaj qytetarëve të pafajshëm shqiptarë. Policia e Shtetit ka konsumuar një akt të rëndë dhe të paprecedentë, duke ushtruar dhunë brutale ndaj qytetarëve të lirë, përfshirë efekteve policie, gra edhe një fëmijë 10-vjeçar...””

Ky incident vjen në kontekstin e protestave të opozitës kundër qeverisë, ku tensionet kanë eskaluar me përplasje mes demonstruesve dhe forcave të rendit. PD-ja e quan këtë një shkelje të rëndë të të drejtave të njeriut dhe premton vazhdim të betejës institucionale.