PËRDITËSIM: Dy persona shoqëruar në stacion pas djegies së veturës së policit Endrit Hajdari në Pejë
Dy persona janë shoqëruar në stacion policor pasi u nuhat era e benzinës pranë vendit ku u djeg vetura private e policit Endrit Hajdari në rrugën “Papa Klementi” në Pejë. Hetimi vazhdon nga policia, prokuroria dhe eksperti i zjarrit.
PËRDITËSIM: Dy persona të shoqëruar për djegien e veturës së policit në Pejë
Një ngjarje e rëndë ka ndodhur në orët e mbrëmjes së të hënës në qytetin e Pejës. Vetura private e policit Endrit Hajdari ka marrë flakë në rrethana të pashpjegueshme në rrugën “Papa Klementi”.
Zëdhënësi i policisë për rajonin e Pejës, Fadil Gashi, ka konfirmuar ngjarjen.
“Sonte rreth orës 20:00 kemi pranuar informatën se në rrugën ‘Papa Klementi’ në Pejë një veturë është kapluar nga zjarri. Menjëherë në vendin e ngjarjes kanë dalë njësitet policore dhe zjarrfikësit. Nuk ka persona të lënduar, ndërsa janë shkaktuar vetëm dëme materiale.”
Burime të IndeksOnline kanë pohuar se lidhur me këtë rast, dy persona janë shoqëruar në stacion policor pasi te të njëjtit u nuhat era e benzinës ndërsa po kalonin pranë skenës së ngjarjes. Aktualisht, ata po intervistohen nga autoritetet kompetente.
Në vendngjarje kanë qenë të pranishëm edhe prokurori i shtetit dhe eksperti i zjarrit për të përcaktuar shkaqet e incidentit. Ngjarja po hetohet si e dyshuar për djegie të qëllimshme.