Dogana e Kosovës sekuestron 237 mijë ambalazhe të paligjshme për cigare në Prishtinë
Dogana e Kosovës ka sekuestruar 237 mijë paketa ambalazh për cigare 'DRINA' nga një dërgesë turke në Prishtinë, duke parandaluar humbje fiskale prej rreth 340 mijë eurosh.
Dogana e Kosovës sekuestron 237 mijë ambalazhe të paligjshme për cigare në Prishtinë
Dogana e Kosovës, përmes Zyrës Doganore në Prishtinë, ka realizuar një kontroll të detajuar ndaj një dërgese të ardhur nga Turqia në kuadër të aktiviteteve të rregullta të menaxhimit të riskut.
Gjatë këtij kontrolli, zyrtarët kanë zbuluar 237,000 copë/pako ambalazhimi për 20 cigare me mbishkrimin “DRINA”. Malli nuk ishte deklaruar sipas legjislacionit doganor dhe dyshohet për përdorim në prodhim ose paketim të paligjshëm të duhanit.
Efekti në parandalim të humbjeve potenciale fiskale vlerësohet në rreth 340,000 euro.
“Dogana e Kosovës mbetet e përkushtuar në parandalimin e tregtisë së paligjshme, mbrojtjen e tregut dhe shëndetit publik, si dhe garantimin e konkurrencës së ndershme.”
Janë ndërmarrë veprimet procedurale, duke përfshirë sekuestrimin dhe iniciimin e procedurave administrative kundërvajtëse dhe hetimore në bashkëpunim me institucionet kompetente.
Ky veprim tregon angazhimin e Doganës për luftën kundër kontrabandës dhe mbrojtjen e interesave fiskale të shtetit.