Dy vëllezër shqiptarë nga Tirana të arrestuar në Greqi për shpërthimin me eksploziv në diskotekën Jacky.O

Policia greke ka vënë në pranga dy vëllezër shqiptarë me precedentë penalë, të dyshuar si autorë të shpërthimit me eksploziv në diskotekën “Jacky.O” në rrugën Michalakopoulou të Athinës, më 7 tetor 2025.

Të arrestuarit janë Blerim Buçi, 41 vjeç dhe Besmir Buçi, 32 vjeç, të dy banorë të Tiranës. Përveç akuzës kryesore për shpërthimin, ndaj tyre kishte urdhra arresti për shkelje të kushteve kufizuese të qëndrimit, grabitje dhe shkelje të ligjeve mbi armët.

Sipas dinamikës së zbardhur nga hetimet, Besmir Buçi ka parkuar një automjet pranë lokalit, është afruar në këmbë dhe ka vendosur pajisjen shpërthyese të improvizuar. Pas aktivizimit, ai është kthyer në makinë ku e priste vëllai Blerim dhe janë larguar së bashku.

Automjeti u kishte dhënë nga një bashkëpunëtor grek, 44-vjeçar. Gjatë kontrollit policor u sekuestruan një thikë palosëse, 8 telefona celularë, një pajisje telekomandimi, dy fletore me shënime, veshje të përdorura dhe vetë automjeti.

““Për bombën, më punësoi një çift që kishte hesape të vjetra me pronarin e dyqanit, dhe më dhanë 5,000 euro që të shkoja ta vendosja.””

Bomba shihet si një "mesazh paralajmërues". Vëllezërit kërkonin para për mbrojtje të paligjshme, por pronari i diskotekës refuzoi shantazhin, duke çuar në hakmarrje.

Blerim Buçi u kap në një zonë natyrore ku po fshihej dhe rezistoi fizikisht ndaj policisë. Të dy kanë histori akuzash për grabitje, mashtrim, dëmtim trupor, falsifikim dhe drogë.

Ngjarja nxjerr në pah shqetësimet për krimin e organizuar që prek komunitetet shqiptare në Greqi. Autoritetet greke po vazhdojnë hetimet për rrjetin e mundshëm pas tyre.

Detaje të tjera nga ngjarja

• Parkimi i automjetit pranë diskotekës
• Vendosja e bombës nga Besmiri
• Largimi i shpejtë me Blerimin
• Bashkëpunëtor grek 44-vjeçar
• Materialet e sekuestruara: thikë, telefona, telekomandë

Të arrestuarit u paraqitën para autoriteteve kompetente për ndjekje penale. /Burimi: IndeksOnline/