Eksperti shqiptar nga SHBA sqaron pse Trump hartoi plan mbrojtje për Kosovën
Eksperti Ermal Frashëri, me bazë në SHBA, shpjegon rëndësinë e aktit federal amerikan që krijon parashikueshmëri për Kosovën dhe falënderimin e presidentes Vjosa Osmani ndaj ish-presidentit Donald Trump në Davos.
Ermal Frashëri, pedagog dhe ekspert shqiptar me bazë në Shtetet e Bashkuara, ka dhënë shpjegime të rëndësishme në emisionin “Balkan Talks” lidhur me pjesëmarrjen e presidentes së Kosovës, Vjosa Osmani, në Forumin Ekonomik Botëror në Davos.
Ajo mori pjesë në firmosjen e themelimit të “Bordit të Paqes” për Gazën, ku shprehu mirënjohje ndaj ish-presidentit amerikan Donald Trump për autorizimin e mbrojtjes kombëtare për Kosovën.
Sipas Frashërit, përfshirja e Kosovës në një akt federal të miratuar nga Kongresi amerikan është një zhvillim historik. Ky akt krijon parashikueshmëri të qartë dhe detyron administratën amerikane të kushtojë vëmendje të shtuar Kosovës.
““E pashë si një surprizë të këndshme që një vëmendje e tillë për Kosovën të reflektojë në një akt që miraton Kongresi. Që Kongresi të jetë kaq specifik sa të fusë një parashikueshmëri për Kosovën dhe një sërë veprimesh që i tërheqin vëmendje administratës amerikane që ti kushtojë më tepër rëndësi Kosovës, është një gjë që nuk ndodh zakonisht.””
Frashëri theksoi forcën e lobimit kosovar në Kongres, duke thënë se Kosova ka arritur të fusë këtë parashikueshmëri në një akt federal, gjë e rrallë.
Ndërkohë, ai vlerësoi si veprim të saktë falënderimin e Osmanit ndaj Trump-it, duke krijuar një dimension personal me Departamentin e Shtetit. Kjo, sipas tij, do të ndikojë në bisedat e ardhshme, duke e kushtëzuar vëmendjen amerikane me këtë akt ligjor.
““Më në fund Kosova arrin që të ketë në Kongres një lobim aq të fortë sa të fusë një parashikueshmëri të tillë në një akt federal.””
Frashëri e cilësoi këtë si një ndërhyrje të rrallë që përkthehet në legjislacion, duke siguruar Kosovës një pozicion më të fortë në arenën ndërkombëtare.