Emilja Rexhepi: Nuk jam analiste ta analizoj, por e respektoj vendimin e Kushtetueses për nënkryetarin nga komuniteti serb

Emilja Rexhepi nga Partia e Re Demokratike ka reaguar ndaj vendimit të Gjykatës Kushtetuese për zgjedhjen e Nenad Rashiq si nënkryetar i Kuvendit nga komuniteti serb.

Ajo deklaroi se e respekton plotësisht vendimin e Gjykatës Kushtetuese, duke theksuar se nuk është analiste për ta analizuar apo kontestuar atë.

““Pesë herë jam zgjedhur si deputete në Parlamentin e Kosovës dhe gjithmonë kam respekt për vendimet e Gjykatës Kushtetuese… Nuk jam analiste ta analizoj vendimin, por unë e respektoj vendimin e Kushtetueses””

Rexhepi, e cila ka qenë pesë herë deputete në Kuvendin e Kosovës, shtoi se përfaqësimi i komunitetit serb në pozita udhëheqëse varet nga vullneti i shumicës parlamentare.

““Komuniteti me shumicë vendos, partia me shumicë votash në Kuvend vendos se kush do të jetë nënkryetar i Parlamentit nga komuniteti serb””

Kjo deklaratë vjen në kontekstin e zhvillimeve të fundit lidhur me vendimin e Kushtetueses, i cili ka shkaktuar reagime të ndryshme politike.

/Indeksonline/