FAST-i vë në pranga të dyshuarin e kërkuar nga Gjermania për tentativë vrasjeje

Policia e Kosovës, përmes Drejtorisë për Bashkëpunim Ndërkombëtar Policor (DBNP) dhe njësitit të saj FAST, ka identifikuar dhe arrestuar një person të kërkuar me urdhërarrest ndërkombëtar nga autoritetet gjermane.

Arrestimi u bë të hënën, më 19 janar, rreth orës 20:30, në bashkëpunim me njësitë e tjera policore relevante. Të dyshuari akuzohet për veprën penale "Vrasje në tentativë".

Pas arrestimit, bazuar në urdhrin e prokurorit kujdestar, i dyshuari është dërguar në ndalim policor për 48 orë, për të vazhduar procedurat ligjore sipas ligjit në fuqi.

“Policia e Kosovës mbetet e përkushtuar në bashkëpunimin ndërkombëtar policor dhe në zbatimin e ligjit, me qëllim të garantimit të rendit dhe sigurisë publike.”

Ky operacion nënvizon rëndësinë e bashkëpunimit ndërkombëtar në luftën kundër krimit transnacional dhe forcën e strukturave policore të Kosovës.