Forcohen lidhjet Kosovë–Iowa: Dugolli takohet me sekretarin Pate

Ambasadori i Republikës së Kosovës në Shtetet e Bashkuara të Amerikës, Ilir Dugolli, ka mbajtur një takim të rëndësishëm në Ambasadën e Kosovës me sekretarin e shtetit të Iowa-s, Paul Pate, dhe delegacionin e tij.

Gjatë bisedës, palët vlerësuan marrëdhëniet e veçanta dhe miqësore ndërmjet Shtetit të Iowa-s dhe Republikës së Kosovës. U diskutuan gjithashtu mundësitë për thellimin e bashkëpunimit në fusha të ndryshme me interes të përbashkët.

““Ambasadori Dugolli kishte kënaqësinë të mirëpresë në Ambasadë Sekretarin e Shtetit të Iowas, z. Paul Pate, së bashku me delegacionin e tij. Në takim u vlerësuan marrëdhëniet e veçanta ndërmjet Shtetit të Iowas dhe Kosovës, si dhe u diskutuan mundësitë e bashkëpunimit të mëtejmë në fusha të ndryshme. Ambasadori Dugolli dhe Sekretari Pate ripohuan se Kosova dhe SHBA-ja ndajnë prioritete të përbashkëta në forcimin e stabilitetit rajonal, e promovimin e vlerave demokratike, duke u mbështetur mbi miqësinë e qëndrueshme dhe partneritetin e veçantë ndërmjet dy vendeve.””

Ky takim thekson rëndësinë e partneritetit strategjik mes Kosovës dhe shteteve të SHBA-së, si Iowa, për avancimin e interesave të përbashkëta në rajon dhe më gjerë.

Marrëdhëniet Kosovë-Iowa janë veçanërisht të ngrohta, me Iowa-n që ka qenë një mbështetës i hershëm i pavarësisë së Kosovës dhe bashkëpunimit në fusha si arsimi, ekonomia dhe siguria.