Franca i kthen Trump-it me GIF-in e tij të famshëm: 'Lajm i rremë' pretendimi për presionin mbi Macron në Davos
Presidenca franceze hodhi poshtë si 'lajm të rremë' pretendimin e Donald Trump-it se e kishte bindur Emmanuel Macron-in të rriste çmimet e barnave, duke përdorur një GIF të vetë Trump-it duke thënë 'fake news'.
Franca i kthen Trump-it me GIF-in e tij të famshëm: 'Lajm i rremë' pretendimi për presionin mbi Macron në Davos
Presidenca franceze ka reaguar me ironi ndaj pretendimeve të presidentit amerikan Donald Trump gjatë fjalimit të tij në Forum Ekonomi Botëror në Davos. Trump tha se kishte bërë presion te Emmanuel Macron për të rritur çmimet e barnave në Francë, duke kërcënuar me tarifa 25% dhe 100% për verërat franceze.
"Po pretendohet se presidenti Emmanuel Macron e ngriti çmimin e ilaçeve. Ai nuk i cakton çmimet. Ato rregullohen nga sistemi i sigurisë sociale dhe, në të vërtetë, kanë mbetur të qëndrueshme. Kushdo që ka shkelur në një barnatore franceze e di këtë," - shkroi Presidenca në X (ish-Twitter), duke shoqëruar postimin me një GIF të Trump-it duke thënë 'lajm i rremë'.
It’s being claimed that President @EmmanuelMacron increased the price of medicines.
— Présidence du Conseil (@ConseilPresident) [link to tweet]
He does not set their prices. They are regulated by the social security system and have, in fact, remained stable. Anyone who has set foot in a French pharmacy knows this. pic.twitter.com/xoNrhkKyUP
Më herët në Davos, Trump deklaroi: "Unë thashë: Kështu është puna, Emmanuel, përgjigjja është, ti do ta bësh këtë, do ta bësh shpejt dhe, nëse nuk e bën, do të vë taksë prej 25 për qind ndaj gjithçkaje që ti shet në Shtetet e Bashkuara dhe një taksë prej 100 për qind ndaj verërave dhe shampanjave tuaja."
“(Dhe Macroni tha) “Jo, jo, Donald, do ta bëj, do ta bëj”. M’u deshën mesatarisht nga tre minuta për shtet, duke e thënë të njëjtën gjë: Ti do ta bësh këtë.”
Kjo është vala e re e tensionit mes dy aleatëve të NATO-s, ndërsa Trump ka kërcënuar edhe për Grenlandën dhe tarifa ndaj vendeve që e pengojnë atë. Trump madje u tall me syzet e Macron-it për një çrregullim në sy.
Reagimi i Francës tregon se marrëdhëniet transatlantike po vihen në provë, sipas Reuters.