Gjakovë: 19-vjeçari Isen Kurti shpallet në kërkim për vrasje në tentativë
Policia e Kosovës ka publikuar foton e dyshuarit 19-vjeçar Isen Kurti nga Gjakova, i cili shpallet në kërkim për vrasje në tentativë dhe gjendet në arrati. Kërkohet ndihma e qytetarëve për informacione mbi vendndodhjen e tij.
Gjakovë: 19-vjeçari Isen Kurti shpallet në kërkim për vrasje në tentativë
Hetuesit policorë të Sektorit të Hetimeve Rajonale në Gjakovë, në bashkëpunim me Prokurorinë, kanë bërë publike identitetin dhe foton e personit të dyshuar për veprën penale "Vrasje në tentativë".
I dyshuari, Isen Kurti, 19 vjeç, nuk i është përgjigjur thirrjes policore dhe nuk është gjetur në asnjë nga lokacionet e kërkuara. Ai aktualisht gjendet në arrati.
Policia e Kosovës, Drejtoria Rajonale në Gjakovë, kërkon nga qytetarët që të ofrojnë çdo informacion që mund të ndihmojë në identifikimin dhe kapjen e tij.
“Për çdo informatë, qytetarët mund të kontaktojnë Policinë e Kosovës në numrin e telefonit 192, stacionin më të afërt policor ose përmes e-mailit zyrtar: info@kosovapolice.com.”
Hetimet po vazhdojnë për zbardhjen e plotë të rrethanave të ngjarjes.