Gjermania propozon bojkot të Kupës së Botës 2026: “Duhet të merret në konsideratë për shkak të Trump”
Një nënkryetar i Federatës Gjermane të Futbollit, Oke Gottlich, ka bërë thirrje për diskutim serioz mbi mundësinë e bojkotit të Kupës së Botës 2026 për shkak të veprimeve të fundit të presidentit amerikan Donald Trump. Turneu do të zhvillohet në SHBA, Meksikë dhe Kanada.
Një figurë e lartë e futbollit gjerman ka hedhur idenë e bojkotit të Kupës së Botës 2026, duke e lidhur atë me sjelljen e Presidentit të SHBA-së, Donald Trump.
Oke Gottlich, nënkryetar i Federatës Gjermane të Futbollit (DFB) dhe president i klubit të Bundesligës St. Pauli, deklaroi se ka ardhur koha për të shqyrtuar seriozisht mundësinë e një tërheqjeje masive nga turneu i madh botëror.
“Ka ardhur koha për të shqyrtuar dhe diskutuar seriozisht mundësinë e një tërheqjeje masive nga turneu.”
Turneu i Kupës së Botës 2026 do të mbahet në Shtetet e Bashkuara, Meksikë dhe Kanada. Kjo thirrje vjen në një kohë kur Trump ka vënë në pikëpyetje forcën e NATO-s, ka shprehur interes për blerjen e Grenlandës dhe ka kërcënuar me tarifa për vende evropiane.
Gottlich, një figurë e njohur në futbollin gjerman, nuk është i pari që ngre shqetësime për ndikimin politik në sport. Më parë, Gjermania kishte bojkotuar ceremoninë e himnit në ndeshje kundër Brazilisë për të protestuar kundër politikave të Katarit në Kupën e Botës 2022.
Kjo deklaratë ka shkaktuar debate në botën e futbollit, ku disa e shohin si një hap të guximshëm kundër politikave të Trump, ndërsa të tjerë e konsiderojnë të panevojshme dhe të dëmshme për sportin. A do të marrin forma të tjera kombëtare kjo thirrje mbetet për t’u parë.