Gjykata e Strasburgut pranon për shqyrtim ankesën e Pjetër Shalës

Gjykata Evropiane për të Drejtat e Njeriut (GJEDNJ) ka konfirmuar pranimin e padisë me numër 35860/25, e depozituar nga aktivisti Pjetër Shala kundër Austrisë dhe 26 shteteve të tjera anëtare të Bashkimit Evropian.

Sipas njoftimit zyrtar të GJEDNJ-së, padia u regjistrua më 14 nëntor 2025, ndërsa gjykata ka pranuar edhe korrespondencën shtesë të datës 11 dhjetor 2025.

“Gjykata do ta trajtojë rastin sa më shpejt që të jetë e mundur, bazuar në informacionet dhe dokumentet e dorëzuara.”

Procedurat do të zhvillohen kryesisht në formë të shkruar, ndërsa paraqitja fizike e palëve do të kërkohet vetëm nëse gjykata e vlerëson të nevojshme.

Palët janë të obliguara të njoftojnë gjykatën për çdo ndryshim të adresës ose email-it, si dhe për zhvillime të rëndësishme të çështjes. Mosreagimi ndaj kërkesave për informata shtesë mund të çojë në hedhjen e çështjes jashtë listës së rasteve në shqyrtim.

Vendimet dhe njoftimet e mëtejshme do t'u komunikohen palëve në kohën e duhur. Dokumenti është shpërndarë nga Nasim Haradinaj.

Ky zhvillim hap një kapitull të ri në betejën ligjore të Pjetër Shalës kundër institucioneve evropiane, duke e çuar çështjen në nivelin më të lartë të drejtësisë ndërkombëtare.