Grenlanda zgjedh statusin aktual

Kryeministri i Grenlandës, Jens-Frederik Nielsen, ka deklaruar se vendi i tij zgjedh “Grenlandën që e njohim sot”, duke theksuar vazhdueshmërinë e vetëqeverisjes brenda kornizës daneze dhe NATO-s.

Duke folur në një konferencë për shtyp, Nielsen shpjegoi se Grenlanda ka zhvilluar shoqërinë, demokracinë dhe vendin e saj nën mbrojtjen e Mbretërisë së Danimarkës dhe aleancës së NATO-s.

“Si pjesë e Mbretërisë së Danimarkës, ne i kemi zhvilluar shoqërinë tonë, demokracinë dhe vendin tonë… nën kornizën e Mbretërisë së Danimarkës dhe aleancës së NATO-s.”

Ai shtoi se Grenlanda ka fituar vetëdrejtimin dhe të drejtën për vetëvendosje brenda kësaj kornize, dhe kjo duhet të vazhdojë.

Protestat e fundjavës në kryeqytetin Nuuk, ku mijëra banorë dolën kundër pretendimeve amerikane, nuk ishin kundër SHBA-së si mike, por kundër mosrespektimit të ligjit ndërkombëtar, demokracisë dhe vetëvendosjes grenlandeze, sipas Nielsen-it.

“Nuk ishte protest kundër miqësisë sonë të vjetër ose bashkëpunimit të ngushtë. Ishte kundër mosrespektimit të sundimit ndërkombëtar të ligjit, demokracisë dhe të drejtës sonë për vetëvendosje.”

Kryeministri premtoi dialog me respekt përmes diplomacisë. Kur u pyet nëse Grenlanda rrezikohet nga pretendimet amerikane, ai u përgjigj se vetëm Grenlanda dhe Danimarka kanë mandat për të negociuar të ardhmen e ishullit.

“Ne jemi të gatshëm që të bashkëpunojmë më shumë në ekonomi, por për këtë gjë duhet të flasim me respekt të ndërsjellë.”

Kjo deklaratë vjen në kontekstin e tensionesh të vazhdueshme gjeopolitike rreth Grenlandës, një ishull strategjik në Arktik.