Guardiola falënderon me humor Mourinhon për fitoren dramatike të Benficës ndaj Real Madridit

Pep Guardiola ka reaguar me humor dhe habi për fitoren e paharrueshme të Benficës ndaj Real Madridit me rezultat 4-2 në Ligën e Kampionëve. Kjo ndeshje e mbushur me emocione ka ndihmuar Manchester Cityn të sigurojë pozicionin e tetë dhe të shmangë raundin e play-off-it.

Në minutat e fundit, kur rezultati ishte 3-2, Benfica kishte nevojë për një gol të katërt për t'u kualifikuar. Portieri i tyre doli në sulm, diçka që befasoi të gjithë, përfshirë Guardiolën dhe stafin e Cityt.

“Ne ishim të gjithë atje. Nuk e dinim që Benfica kishte nevojë për një gol për t’u kualifikuar. Kur e pamë portierin duke dalë në sulm, të gjithë thamë: ‘Pse po del? Qëndro në portë sepse Reali mund të barazojë’. Pas kësaj, ne eliminohemi.”

Guardiola e quajti këtë një strategji të zgjuar nga Jose Mourinho, rivali i tij i hershëm. Kjo fitorja e Benficës ka bërë që City të shmangë dy ndeshje play-off në shkurt, pas dështimit të sezonit të kaluar.

Falë këtij rezultati, Manchester City kalon direkt në fazën tjetër të garës evropiane.