Hakohet faqja zyrtare e Inspektoratit të Kryeqytetit të Prishtinës

Komuna e Prishtinës ka njoftuar publikun se faqja zyrtare e Inspektoratit të Kryeqytetit është bërë objekt i një sulmi kibernetik.

Kjo ngjarje ka ndodhur kohët e fundit dhe ekipet teknike të komunës po punojnë intensivisht për të rikthyer kontrollin dhe funksionimin normal të saj.

“Ju njoftojmë se faqja e Inspektoratit të Kryeqytetit është hakuar kohët e fundit. Ekipet tona po punojnë për ta rikthyer kontrollin dhe funksionimin normal të saj. Ju lutemi të mos besoni postime të publikuara nga faqja deri në njoftimin e radhës, pasi ato nuk pasqyrojnë veprimet e institucionit. Faleminderit për mirëkuptimin dhe bashkëpunimin tuaj.”

Autoritetet komunale kanë kërkuar nga qytetarët të mos i marrin parasysh postimet e publikuara në faqen e hakuar, pasi ato nuk përfaqësojnë pozicionin zyrtar të institucionit.

Kjo incident ngre shqetësime të reja për sigurinë kibernetike të institucioneve publike në Kosovë, veçanërisht në një kohë kur sulmet online po rriten në frekuencë.

Komuna premton të informojë publikun sapo faqja të rikthehet në funksionimin normal.