Hyri përmes rrugëve ilegale, kapet shtetasi i huaj në Kamenicë
Policia e Kosovës ka ndaluar një shtetas të huaj në fshatin Rogaqicë të Kamenicës, i dyshuar për kalimin e kufirit përmes rrugëve ilegale. I dyshuari është dërguar në gjykatë për kundërvajtje.
Një shtetas i huaj është ndaluar nga Policia e Kosovës nën dyshimin se ka hyrë ilegalisht në Kosovë. Ngjarja ka ndodhur rreth orës 10:30 të së shtunës në fshatin Rogaqicë të komunës së Kamenicës.
Gjatë patrullimit rutinë, policia ka ndaluar një automjet. Ngasësi i këtij automjeti dyshohet se ka kaluar kufirin duke përdorur rrugët ilegale.
Lidhur me rastin është njoftuar prokurori, ndërsa i dyshuari është dërguar në gjykatë për kundërvajtje.
Burimi: IndeksOnline.net