“Inxhinieria optike” e Kurtit në Davos me eksportet e Kosovës

Narrativi i kryeministrit në detyrë Albin Kurti për “dyfishimin” e eksporteve nën Qeverinë Kurti II duket si një akrobaci statistikore kur krahasohet me realitetin ekonomik. Kurti e përsërit shpesh këtë pretendim, përfshirë në diskutimin e tij të fundit në Forumin Ekonomik Botëror në Davos.

Në terma nominalë, eksportet kaluan nga 349.5 milionë euro në 2019 në 712.8 milionë në 2021, duke u dyfishuar. Por ky kërcim nuk është meritë e politikave të Kurtit, por efekt i rikuperimit pas pandemise dhe inflacionit global (base effect).

Gjatë mandatit real të Qeverisë Kurti II (2021-2025), eksportet u rritën vetëm me 32.16% nga 712.8 në 942 milionë euro, me rënie në 2023 dhe 2025. Kjo nuk është dyfishim dhe as e qëndrueshme.

Krahasimi me periudhat e mëparshme

• 2016–2019: Rritje 60.14% (131.24 milionë euro)
• 2022–2025: Rritje vetëm 8.41% (73.04 milionë euro)

Qeveritë e mëparshme kanë pasur performancë më të mirë në dinamikën eksportuese. Pretendimet e Kurtit injorojnë kontekstin makroekonomik global.

Shpërthimi i eksporteve në 2021 ishte fenomen global, jo meritë lokale. Për një analizë të saktë, duhen krahasuar periudha normale para dhe pas pandemise.

““E zvogëluam deficitin tregtar duke i dyfishuar eksportet…””

Kjo frazë është refren i Kurtit, por realiteti tregon mungesë kapërcimi strukturor. Ekonomia kosovare vazhdon të ketë sfida të mëdha në eksporte.