IPK konstaton mangësi serioze në trajtimin e rasteve të dhunës në familje

Inspektorati Policor i Kosovës (IPK) ka nxjerrë një raport kritik pas një inspektimi të rregullt në stacionet policore, duke konstatuar dobësi të rënda në trajtimin e rasteve të dhunës në familje.

Inspektorati ka vlerësuar kapacitetet policore, reagimin, hetimin, monitorimin e urdhërave mbrojtës dhe përmbajtjen e dosjeve. Rezultatet tregojnë mosfunksionalizim të ekipeve të specializuara në disa stacione për shkak të mungesës së burimeve njerëzore dhe organizimit të dobët.

Në aspektin operacional-hetimor, IPK ka evidentuar mungesa të raporteve njoftuese për Prokurori, mosaplikim të vlerësimit të rrezikut për viktimat dhe probleme të tjera në dosje.

Gjashtë rekomandime nga IPK

• Funksionalizimi i plotë i ekipeve për hetimin e dhunës në familje
• Trajnimi i burimeve njerëzore në këto njësi
• Ngritja e cilësisë së intervistave dhe zgjerimi i tyre me dëshmitarë të tjerë
• Hartimi i raporteve ditore mbi rastet
• Respektimi i zinxhirit të plotë komandues në procedimin e kallëzimeve penale

Inspektorimi është bërë bazuar në Planin Vjetor të Inspektimeve të Rregullta për vitin 2025. IPK thekson nevojën për zbatim të menjëhershëm të rekomandimeve për të mbrojtur viktimat dhe për të përmirësuar efikasitetin policor.

Ky raport ngrit alarmin për një problem të vazhdueshëm në Kosovë, ku dhuna në familje mbetet një sfidë e madhe shoqërore dhe ligjore.