Ivanka Trump viziton Kryeministrinë, pritet me përqafim nga Edi Rama

Mbrëmjen e kësaj të enjteje, Ivanka Trump, vajza e Presidentit të Shteteve të Bashkuara Donald Trump, ka mbërritur në ambientet e Kryeministrisë së Shqipërisë.

Në pamjet e siguruar nga gazetari Muhamed Veliu i Top Channel, shihet qartë se Ivanka Trump u prit me mirësjellje nga kryeministri Edi Rama.

Të dy personalitetet shkëmbyen një përqafim dhe më pas u futën në ambientet e brendshme të Kryeministrisë. Kjo vizitë vjen në vazhdim të takimeve të mëparshme të Ivanka Trump me kryeministrin Rama në Vlorë dhe Zvërrnec, ku u diskutuan investime të mundshme në ishullin e Sazanit.

Vizita e Ivanka Trump në Shqipëri po shihet si një sinjal pozitiv për forcimin e marrëdhënieve mes Shqipërisë dhe administratës Trump, veçanërisht në fushën e investimeve dhe zhvillimit ekonomik.

Burimi: Indeks Online, pamje nga Top Channel.