Janjić: Për vjedhjen e zgjedhjeve presidenciale amerikane përgjegjës janë BIA dhe Vuçiq

Analisti politik serb, Dušan Janjić, ka hedhur akuza të rënda ndaj institucioneve serbe, duke thënë se Agjencia e Sigurisë dhe Informacionit (BIA) dhe presidenti Aleksandar Vuçiq janë përgjegjës për manipulimin e zgjedhjeve presidenciale amerikane të vitit 2020.

Sipas Janjić-it, fjalimi i fundit i ish-presidentit amerikan Donald Trump në Davos ka bërë të qartë se hetimi për vjedhjen e zgjedhjeve po zhvillohet dhe përfshin edhe Beogradin. Ai u shpreh për agjencinë Beta se më parë kishte pasur paralajmërime për përdorimin e adreseve IP nga Serbia në fushata kundër Trump-it në rrjetet sociale.

““Nëse del të jetë e vërtetë – dhe nuk kemi arsye të dyshojmë që Trump po trillonte – duhet të pritet ndjekja penale e të gjithë atyre që kanë marrë pjesë në manipulimin e zgjedhjeve amerikane. Nuk përjashtoj mundësinë që kjo të jetë bërë nga BIA përmes ndonjë agjencie private.””

Janjić thekson rolin e Agjencisë Kombëtare të Sigurisë së SHBA-së në mbikëqyrjen e sigurisë kibernetike dhe paralajmëron për pasoja penale. Ai shton se disa figura në BIA po largohen nga pozitat e larta, por kjo nuk do t'i shpëtojë ata nga përgjegjësia.

Analisti pyet nëse hetimi do të arrijë deri te Vuçiq-i, i cili kontrollon gjithçka në Serbi, duke e cilësuar një veprim të tillë si krim kibernetik shtetëror kundër SHBA-së.

““Ngrihet pyetja se deri ku do të shkojë hetimi dhe nëse do të përfshijë edhe Aleksandar Vuçiqin... Se kush do të ndiqet penalisht, do të vendosë prokurori amerikan.””

Janjić hedh poshtë idenë se kompania serbe “Roaming Networks” është pas manipulimit, duke e quajtur atë si “hedhje uji në mullirin e Vuçiqit”. Ai kërkon përfshirjen e Departamentit për luftën kundër krimit të teknologjisë së lartë të MPB-së serbe në hetim.

Derisa të provohet e kundërta, përgjegjësia operative i takon BIA-së, ndërsa përgjegjësia politike dhe kriminale Vuçiq-it, sipas tij.

Këto akuza vijnë në një kohë kur Trump ka folur hapur për manipulime në zgjedhjet e tij dhe Davos është bërë forum për diskutime globale mbi sigurinë kibernetike dhe zgjedhjet.