Johannes Hahn: Serbia në rënie të vazhdueshme, BE nuk bën lëshime për anëtarësim
Ish-komisioneri evropian Johannes Hahn deklaron se Serbia vazhdon të ketë probleme të mëdha në rrugën drejt anëtarësimit në BE dhe nuk do ketë lëshime apo përshpejtim të procesit.
Deklarata e fortë e Hahn-it për Serbinë
Ish-komisioneri i Bashkimit Evropian për Zgjerimin, Johannes Hahn, ka dhënë një intervistë të rëndësishme për revistën serbe NIN, ku ka paralajmëruar se Bashkimi Evropian nuk do të bëjë lëshime në procesin e anëtarësimit të vendeve kandidate, përfshirë Serbinë.
"Nëse flasim për Serbinë, ende ka shumë çështje të pazgjidhura, përfshirë një nivel mjaft të ulët të harmonizimit të politikës së jashtme me atë të Brukselit", ka thënë Hahn, duke theksuar rënien e vazhdueshme të mbështetjes publike në Serbi për anëtarësimin në BE.
“"Nuk ka procedurë të përshpejtuar dhe as popust. Çdo vend kandidat vlerësohet veçmas dhe në bazë të asaj që ka arritur".”
Hahn ka hodhur poshtë idenë e pranimit të përshpejtuar të vendeve të Ballkanit Perëndimor "në paketë", duke insistuar se procesi është individual dhe bazohet në meritë.
Sipas tij, BE-ja duhet të përgatitet për zgjerim me më shumë se 30 vende anëtare, duke kërkuar reforma në vendimmarrje, si kalimi nga konsensusi në shumicë të kualifikuar.
“"Nëse i gjithë rajoni i Ballkanit Perëndimor bëhet pjesë e familjes evropiane, kjo do të ishte në interes të të gjithëve. Por kjo mund të ndodhë vetëm nëse vendet kandidate i përmbushin plotësisht standardet".”
Hahn ka theksuar se nuk do ketë lëshime as për Ukrainën apo Moldavinë, dhe ka komentuar luftën në Ukrainë, duke thënë se përfundimi i saj kërkon mbështetje të fortë ushtarake për Kievin.
Kjo deklaratë vjen në një moment kur Serbia po përballet me sfida në harmonizimin e politikës së jashtme, veçanërisht lidhur me sanksionet ndaj Rusisë.