Komuna e Prishtinës: Shtyhen afatet për tatimin në pronë për vitin 2026

Komuna e Prishtinës ka njoftuar se Ministria e Financave, Punës dhe Transfereve ka vendosur shtyrjen e afateve për pagesën e tatimit në pronë për vitin 2026.

Sipas vendimit të ri, afati për lëshimin e faturave është shtyrë deri më 31 mars 2026, ndërsa pagesa e këstit të parë mund të kryhet deri më 30 qershor 2026.

““Ministria e Financave, Punës dhe Transfereve ka vendosur të shtyjë afatet për tatimin në pronë për vitin 2026: Afati për lëshimin e faturave: deri më 31 mars 2026. Afati për pagesën e këstit të parë: deri më 30 qershor 2026. Ky vendim siguron më shumë kohë për përmbushjen e detyrimeve tatimore dhe zbatimin e ligjit në mënyrë të drejtë.””

Ky masë synon të lehtësojë qytetarët duke u dhënë më shumë kohë për të plotësuar detyrimet e tyre tatimore. Komuna këshillon qytetarët të ndjekin njoftimet zyrtare për detaje të mëtejshme.