PËRDITËSIM: Pa Kuvend, pa ligje - BE paralajmëron Kosovën se afatet për 900 milionët po kalojnë, por konfirmon kualifikimin për 882 milionë euro
Bashkimi Evropian paralajmëron Kosovën për vonesat në miratimin e ligjeve për shkak të mungesës së Kuvendit, duke rrezikuar afatet për fondet prej 900 milionë eurosh nga Plani i Rritjes. Megjithatë, BE konfirmon se Kosova mbetet e kualifikuar për 882 milionë euro, me periudha shtesë për disa reforma.
PËRDITËSIM: Pa Kuvend, pa ligje - BE paralajmëron Kosovën se afatet për 900 milionët po kalojnë, por konfirmon kualifikimin për 882 milionë euro
Vetëm vitin e kaluar ishin paraparë 33 reforma si kusht për të përfituar fonde nga Plani i Rritjes i Bashkimit Evropian, por në pritje të ratifikimit dhe pa Kuvend funksional, Kosova ka shkaktuar dhjetëra vonesa.
Përkundër kësaj, BE-ja ka dhënë një përgjigje zyrtare për TV Dukagjini, duke konfirmuar se Kosova është ende e kualifikuar për të përfituar deri në 882 milionë euro.
““Kosova mbetet e kualifikuar për të përfituar deri në 882 milionë euro në kuadër të Planit të Rritjes, në varësi të hyrjes në fuqi të marrëveshjeve për reformë dhe rritje, e po ashtu kushteve tjera për pagesë””
33 kushte kishin afat deri në fund të qershorit ose dhjetorit 2025. Shumica lidhen me ligje si Kodi Civil, ligji për bankrotimin, ligjet për barrën administrative dhe energjinë, që kërkojnë miratim në Kuvend.
Disa kushte jo-ligjore janë përmbushur, si ri-anëtarësimi në ENQA. Për disa ka 'grace period' deri në qershor 2025, por jo për të gjitha.
Plani i Rritjes është i vlefshëm deri në 2027, por vonesat pengojnë kërkesat për pagesa.
Kjo përditësim vjen pas artikullit tonë të mëparshëm ku theksuam rrezikun e humbjes së mbi një miliard eurosh.