Kriza e blegtorisë në Shqipëri: Fabrikat e qumështit furnizohen nga Kosova dhe rajoni

Shqipëria po kalon një krizë të rëndë në sektorin e blegtorisë, ku mungesa e teknologjisë në ferma dhe rënia e numrit të kafshëve ka bërë të pamundur furnizimin e industrisë së qumështit me lëndë të parë vendore. Fabrikat po mbështeten gjithnjë e më shumë te importet nga Kosova, Serbia, Hungaria, Maqedonia e Veriut, Sllovenia dhe Austria.

Gjatë vitit 2025, fabrikat shqiptare kanë blerë 8 milionë litra qumësht nga jashtë, duke shpenzuar rreth 5 milionë euro. Ky import është bërë domosdoshmëri për shkak të trendit rënës të blegtorisë vendas.

Të dhënat e INSTAT-it tregojnë se në dekadën e fundit numri i gjedhëve është përgjysmuar: nga 500 mijë në 2014 në 272 mijë krerë në 2024. Po ashtu, dele dhe dhie kanë rënë me 1 milionë, ndërsa shpendët me 2 milionë e 501 mijë.

“"Braktisja e blegtorisë është pasojë e politikave të gabuara të Ministrisë së Bujqësisë ndër vite."”

Vetëm bletaria ka shënuar rritje pozitive me 3 mijë koshere të reja. Fermerët nuk po gjejnë motiv për të vazhduar, pasi subvencionet nuk mbulojnë kostot, ndërsa fabrikat blejnë qumështin me vetëm 54 lekë/litra (rreth 55 cent).

Qumështi importuar është më i lirë, rreth 10 lekë më pak për litër se ai vendas nga Lushnja. Kjo situatë thekson nevojën për politika më të mira bujqësore në Shqipëri.