Kurti në Bordi i Paqes: Kosova dëshiron të kontribuojë për paqe në Gaza dhe kudo që ka nevojë

Kryeministri i Kosovës, Albin Kurti, sot ka dalë para gazetarëve për të folur lidhur me pjesëmarrjen e vendit tonë në Bordi i Paqes.

““Ne kemi filluar së pari me pjesëmarrjen tonë në Forcën ndërkombëtare stabilizuese për Gaza dhe aty unë e di që Kosova është përfaqësuar në konferencën në Doha në Katar nga gjenerallejtënant, komandanti i FSK-së, Bashkim Jashari. Pra, ne kemi shprehur si Republikë e Kosovës gatishmërinë tonë që të marrim pjesë në këtë Forcën stabilizuese ndërkombëtare, ku natyrisht FSK është e mirënjohur tashmë për kërkim-shpëtim dhe deminim, por jo vetëm...””

Kurti theksoi se Kosova dëshiron të kontribuojë për paqe kudo që të ketë nevojë. Ai vlerësoi aftësitë e Forcës së Sigurisë së Kosovës (FSK) në fusha si kërkim-shpëtimi dhe deminimi.

Tutje, kryeministri shtoi se duke marrë pjesë në këtë forcë, Kosova ka interes për të qenë e pranishme edhe në organet vendimmarrëse politike të saj.

Ky është një hap i rëndësishëm për imazhin ndërkombëtar të Kosovës si kontribuues në paqen globale.