Kurti: Historia e çlirimit të Kosovës është shënjuar nga njerëz dhe familje sikur e Shaban Jasharit
Në 28-vjetorin e sulmit të dytë serb ndaj familjes Jashari në Prekaz më 22 janar 1998, kryeministri në detyrë Albin Kurti rikujton rezistencën heroike të Shabanit dhe Hamzë Jashari, duke theksuar rolin e tyre në historinë e çlirimit të Kosovës.
Kurti: Historia e çlirimit të Kosovës është shënjuar nga njerëz dhe familje sikur e Shaban Jasharit
Në 28-vjetorin e sulmit të dytë të forcave serbe ndaj familjes Jashari në Prekaz, kryeministri në detyrë i Kosovës, Albin Kurti, ka postuar një mesazh të fortë në Facebook.
Kurti rikujton se më 22 janar 1998, policia serbe sulmoi për herë të dytë shtëpitë e Shaban Jasharit. Për gjysmë ore, forcat serbe shtinin në breshëri me predha dhe armë automatike. Shabani dhe djali i tij Hamza rezistuan nga brenda shtëpive, duke i zmbrapsur policët, por dy vajzat Selvete dhe Iliriana u plagosën.
“"Historia e çlirimit të Kosovës, është shenjuar pikërisht nga njerëz kurajoz dhe familje të tilla sikur familja e Shaban Jasharit, që me aq vendosmëri dhe vetëdije u flijuan për liri."”
Filmimet dhe fotografitë e mediave pas sulmit shërbejnë si dëshmi e ngjarjes. Ky ishte sulmi i dytë pas atij të 30 dhjetorit 1991, që shënohet si Dita e Veteranëve të UÇK-së.
Muaj e gjysmë më pas, në mars 1998, erdhi sulmi i tretë dhe më i rëndi ndaj familjes Jashari dhe fshatit Prekaz, që frymëzoi mijëra të rinj të bashkoheshin me UÇK-në.
Kurti përfundon me respekt të thellë për familjen Jashari nga Prekazi i Poshtëm i Drenicës.