Kurti: Mendimet tona janë me viktimat e aksidentit të trenit në Spanjë
Kryeministri i Kosovës, Albin Kurti, ka shprehur pikëllimin e thellë për aksidentin tragjik të trenit në Spanjë, duke u solidarizuar me familjet e viktimave dhe duke uruar forcë ekipeve të shpëtimit.
Kurti shpreh pikëllimin për tragjedinë hekurudhore në Spanjë
Kryeministri i Republikës së Kosovës, Albin Kurti, ka reaguar pas lajmit të rëndë për aksidentin tragjik hekurudhor në Spanjë, ku kanë humbur jetën mbi 30 persona.
Në një postim në platformën X (ish-Twitter), Kurti ka shprehur solidaritetin e plotë me familjet e viktimave në këto momente të vështira.
“Jemi thellësisht të pikëlluar nga lajmet që vijnë nga Spanja për aksidentin tragjik të trenit që mori shumë jetë. Mendimet tona janë me viktimat dhe familjet e tyre, ndërsa ekipeve të shpëtimit u urojmë forcë në përpjekjet e tyre.”
Ngjarja ka tronditur opinionin publik në Spanjë dhe më gjerë. Autoritetet spanjolle po vazhdojnë me operacionet e shpëtimit dhe hetimet për zbardhjen e shkaqeve të aksidentit.
Ky nuk është reagimi i vetëm nga udhëheqësit kosovarë. Më herët, Presidentja Vjosa Osmani ka shprehur ngushëllimet e saj për të njëjtën tragjedi, duke theksuar solidaritetin me popullin spanjoll.
