Kurti takohet me kryeministrin e Luksemburgut Luc Frieden në Davos

Në margjinat e Forumit Ekonomik Botëror në Davos, Zvicër, kryeministri në detyrë i Republikës së Kosovës, Albin Kurti, u takua me homologun e tij nga Luksemburgu, Luc Frieden.

Gjatë takimit, Kurti shprehu mirënjohjen e thellë ndaj Luksemburgut për përkrahjen e saj të vazhdueshme ndaj Kosovës në të gjitha etapat e shtetndërimit. Ai theksoi progresin e dukshëm demokratik dhe ekonomik të vendit tonë.

Kurti përmendi synimet e qarta të Kosovës për anëtarësim në Bashkimin Evropian, Këshillin e Evropës dhe NATO, duke falënderuar Luksemburgun për mbështetjen aktive në këto procese të rëndësishme.

Takimi u fokusua gjithashtu në fuqizimin e marrëdhënieve bilaterale, thellimin e bashkëpunimit në fusha si arsimi dhe investimet, si dhe rritjen e lidhjeve kulturore mes dy vendeve dhe popujve të tyre.

“Progresi demokratik dhe ekonomik i Kosovës është i dukshëm dhe aspiratat tona për integrime euroatlantike janë të pathyeshme.”

Ky takim vjen në një moment të rëndësishëm për Kosovën, ku mbështetja ndërkombëtare vazhdon të jetë thelbësore për avancimin e agjendës evropiane.