Lindon Emërllahu zbulon kundërshtarin më të vështirë në Ligën e Konferencës: Slavia Pragë dhe emocionet me Ballkanin në Evropë

Futbollisti kosovar Lindon Emërllahu ka qenë i ftuari i radhës në podcastin “Arena e Yjeve”, ku ka folur për përvojën e paharrueshme të Ballkanit në garat evropiane. Ky episod realizohet me mbështetjen e sponsorëve Golden Eagle, Air Munich dhe Exfis.

Emërllahu u ndal te emocionet gjatë shortit të garave evropiane. “Ne ishim në përgatitje në Ohër dhe e shihnim shortin me kënd po na bie. Ishte shumë emocionuese. Kishim qejf me ndonjë ekip shumë më të madh dhe më të mirë, që me e kallxu veten”, tregoi ai.

“Jemi prej Kosovës, është klubi i Kosovës. Jemi shtet i vogël, ama mundemi me arrit shumë, shumë gjana.”

Ballkani u përball me një grup të fortë: Sivasspor, CFR Cluj dhe Slavia Pragë. Sipas Emërllahut, Slavia ishte më e vështirë jashtë, ku Ballkani luajti mirë por humbi për shkak të fatit dhe golave në pjesën e parë.

“Ndeshja me Sivassporin ka qenë më e mira dhe më emocionuese. Çdo vit kishim kundërshtarët më të fortë për shkak të koeficientëve. Vitet e mëvonshme nuk ishin aq të mira për shkak të ndryshimeve në skuadër”, përfundoi mesfushori kosovar.

“E kemi pasur në grup Sivassporin, Clujin dhe Slavia Pragën. Slavia ishte e fortë jashtë.”

Episodin e plotë mund ta ndiqni në kanalin zyrtar të Telegrafit në YouTube. Kjo rrëfenjë nxjerr në pah rëndësinë e futbollit kosovar në Evropë dhe krenarinë kombëtare.