Mes përplasjeve dhe tensioneve në gjykatë, lirohen 19 protestues të arrestuar në Shqipëri
Gjykata e Tiranës ka liruar 19 nga protestuesit e arrestuar gjatë protestës së opozitës së shtunën, duke u caktuar masën e detyrimit për paraqitje periodike. Situatë tensioni në gjykatë mes avokatëve dhe një personi të dyshuar për provokim.
Mes përplasjeve dhe tensioneve në gjykatë, lirohen 19 protestues të arrestuar në Shqipëri
Gjykata e Tiranës ka marrë vendim për lirim nga qelia të 19 protestuesve të arrestuar të shtunën gjatë protestës së organizuar nga opozita shqiptare.
Sipas raportimit të A2CNN, për të gjithë të liruarit është caktuar masa e “detyrimit për paraqitje”.
Prokuroria në kërkesën e saj kishte kërkuar masën e “arrest në burg” për pesë prej të prangosurve dhe “arrest në shtëpi” për pesë të tjerë.
Gjatë seancës gjyqësore ka pasur tensione në hollin e gjykatës. Avokatët kanë pretenduar se janë provokuar nga një person i paidentifikuar, i cili më pas është shoqëruar nga policia.
“Opozita e cilësoi arrestimin e protestuesve si të paligjshëm, pasi protesta ishte paqësore dhe në përputhje me ligjin.”
Protesta e opozitës u mbajt të shtunën në Tiranë dhe sipas organizatorëve ishte paqësore, por autoritetet arrestuan disa pjesëmarrës.
Burimi: Indeks Online / A2CNN