PËRDITËSIM: Hazir Haziri kthehet në Kosovë pas lirimit nga burgu serb

Hazir Haziri, i cili u arrestua nga autoritetet serbe më 8 shtator 2025 në pikën kufitare Mërdare dhe u mbajt në paraburgim për më shumë se një vit, është liruar sot dhe ka arritur në Kosovë përmes të njëjtës pikë kufitare.

Ai është pritur nga familjarët e tij dhe avokati Arianit Koci, i cili e ka shoqëruar gjatë procedurave të lirimit.

“Fjalën e dhënë e mbaj. Kam thënë se Hazir Hazirin do ta kthej nga burgu i Serbisë. Sonte, Hazir Haziri është në Kosovë. Asnjë qytetar i pafajshëm nuk guxon të mbetet në burgjet e Serbisë. Për këtë jam angazhuar dhe për këtë do të angazhohem sa herë të jetë nevoja.”

Koci ka theksuar se arrestimi i Hazirit ishte i pabazuar dhe se do të vazhdojë angazhimin për mbrojtjen e qytetarëve kosovarë nga praktikat e ngjashme serbe.

Ky zhvillim vjen në një kontekst tensioni mes Kosovës dhe Serbisë dhe riaktualizon shqetësimet për trajtimin e qytetarëve në kufirin administrativ.