Mashtrime me kartela bankare: Policia arreston dy të dyshuar në Fushë Kosovë

Policia e Kosovës ka arrestuar dy të dyshuar, meshkuj kosovarë, nën dyshimin se në mënyrë të vazhdueshme kanë keqpërdorur të dhënat e kartelave bankare të personave të huaj për përfitime personale.

Sipas një komunikate të policisë, pas konsultimit me prokurorin e shtetit është realizuar kontrolli në pronën e të dyshuarve. Gjatë kontrollit, autoritetet kanë sekuestruar një telefon mobil, i cili pritet të shërbejë si provë materiale në procedurën penale.

“Lëshimi i çeqeve pa mbulesë ose të rremë dhe keqpërdorim i kartelave të bankës apo të kreditit. Fushë Kosovë, 28.01.2026, 18:20. Janë arrestuar dy të dyshuar meshkuj kosovarë pasi që të njëjtit dyshohet se në mënyrë të vazhdueshme kanë keqpërdorur të dhënat e kartelave bankare të personave të huaj për përfitime personale. Në konsultim me prokurorin është kontrolluar prona e të dyshuarve ku gjatë kontrollit është sekuestruar një telefon, ndërsa të dyshuarit pas intervistimit janë dërguar në mbajtje.”

Të dyshuarit janë dërguar në mbajtje pas intervistimit dhe hetimet po vazhdojnë sipas procedurave ligjore.

Autoritetet inkorojnë qytetarët të jenë vigjilentë ndaj mashtrimeve online dhe të raportojnë çdo aktivitet të dyshimtë.