Mbi 6 mijë të huaj morën leje pune në Maqedoninë e Veriut vitin e kaluar, 406 prej Kosovës

Në vitin 2025, numri i punëtorëve të huaj që morën leje për qëndrim të përkohshëm në Maqedoninë e Veriut arriti në 6.128, trefish më shumë se në vitin 2020 kur ishin vetëm 1.704. Të dhënat e siguruar nga Shërbimi i Ballkanit i Radios Evropa e Lirë nga Ministria e Punëve të Brendshme (MPB) tregojnë një trend të qartë rritjeje të interesimit për fuqi punëtore të huaj.

Sektorët kryesorë ku kërkohet fuqi punëtore e huaj janë ndërtimtaria, industria përpunuese, akomodimi dhe shërbimet, si dhe tregtia me shumicë dhe pakicë, sipas Agjencisë së Punësimit që nga viti 2020.

Punëtorët nga Turqia vazhdojnë të mbizotërojnë, por ka rritje të ndjeshme nga Nepali, Bangladeshi dhe India. Agjencia e Punësimit lëshoi 8.509 mendime pozitive për leje pune në 2025, krahasuar me 3.227 në 2020.

Nga këto, 2.815 për turqit, 1.567 për bangladezët, 1.089 për nepalezët dhe 1.079 për indianët. Në vendin e pestë renditen shtetasit e Kosovës me 406 mendime pozitive.

““Këta janë punëtorë nga shtete më të varfra, të cilët këtu do të siguronin bukën e gojës... Këtu marrin 600–800 dollarë””

Megjithatë, një pjesë e punëtorëve të huaj largohen drejt vendeve të tjera evropiane pas pak kohësh. Në 2025, 166 punëtorë të huaj lanë vendin, kryesisht nga Bangladeshi, Nepali dhe India.

Qeveria ka caktuar kuotën për 2025 në 10.000 punëtorë, ndërsa projekte strategjike si ndërtimi i korridoreve 8 dhe 10D nga Bechtel & Enka lejojnë fuqi punëtore shtesë jashtë kuotës.

Ky trend reflekton mungesën e fuqisë punëtore vendase për shkak të emigracionit drejt Evropës, sipas ekspertëve.