Moment prekës në RTK: Prezantuesja Vlora Fetoshi shpërthen në lot për Muzeun e Masakrës në Krushë të Madhe
Një moment i paharrueshëm emocional u shënua në transmetimin live të RTK-së, kur prezantuesja Vlora Fetoshi shpërtheu në lot duke raportuar për hapjen e Muzeut të Masakrës në Krushë të Madhe të Rahovecit, ku ajo humbi babain e saj gjatë luftës së Kosovës.
Një moment i thellë emocional u regjistrua sot gjatë edicionit të lajmeve në Radio Televizionin të Kosovës (RTK). Prezantuesja Vlora Fetoshi nuk arriti të mbante lotët ndërsa raportonte live për hapjen e Muzeut të Masakrës në Krushë të Madhe të Rahovecit.
Krusha e Madhe është një nga vendet më të prekura nga masakrat e forcave serbe gjatë luftës së Kosovës në vitin 1999. Në këtë fshat humbën jetën mbi 100 civilë, mes tyre edhe babai i prezantueses Fetoshi.
Emocionet e saj të papritura dolën në sipërfaqe gjatë raportimit, duke treguar dhimbjen e thellë personale dhe rëndësinë historike të këtij muzeu që përkujton viktimat e masakrës.
Muzeu i Masakrës në Krushë të Madhe shërben si kujtesë e përjetshme për krimet e luftës dhe një homazh për të rënët për liri.
“Krusha e Madhe mbetet një nga vendet më të prekura nga masakrat e luftës së Kosovës.”
Burimi: Indeksonline