NATO planifikon zonë mbrojtëse 'të nxehtë' automatizuar kundër Rusisë në kufijtë evropianë
NATO po përgatit një plan ambicioz për të forcuar mbrojtjen e kufijve evropianë kundër Rusisë, duke krijuar një zonë automatizuar me sensorë, dronë të armatosur dhe robotë tokësorë, sipas një gjenerali gjerman. Sistemi pritet të jetë operacional deri në 2027.
NATO ka planifikuar të forcojë mbrojtjen në kufijtë lindorë të Evropës kundër Rusisë gjatë dy viteve të ardhshme. Sipas një gjenerali gjerman, aleanca do të krijojë një "zonë të automatizuar mbrojtëse" që funksionon pothuajse pa praninë e ushtarëve njerëzorë.
““Plani i mbrojtjes do të përfshijë një zonë mbrojtëse që armiku duhet ta kalojë përpara se të përparojë, një lloj zone e nxehtë".”
Thomas Lowin, zëvendës shef i shtabit për operacionet në Komandën e Forcave Tokësore të NATO-s në Izmir të Turqisë, shpjegoi se sensorët do të zbulojnë forcat armike dhe do të aktivizojnë sisteme mbrojtëse si dronë të armatosur, automjete luftarake pjesërisht autonome, robotë tokësorë pa pilot, si dhe sisteme të automatizuara të mbrojtjes ajrore dhe raketore.
Megjithatë, vendimi përfundimtar për përdorimin e këtyre armëve "do të jetë gjithmonë një përgjegjësi njerëzore".
Sensorët, që do të mbulojnë një zonë prej disa mijëra kilometrash, do të vendosen "në tokë ose në ajër" dhe do të mbledhin të dhëna mbi "lëvizjet e armikut ose përdorimin e armëve", duke i informuar të gjitha vendet e NATO-s në kohë reale.
Plani parashikon gjithashtu forcimin e stoqeve ekzistuese të armëve. Elementet e para po testohen si pjesë e projekteve pilot në Poloni dhe Rumani, me synim zbatimin e plotë të sistemit deri në fund të vitit 2027.
Në vijim të incidenteve me dronë rusë ose të paidentifikuar në Poloni, Gjermani, Rumani, Danimarkë dhe Belgjikë, Komisioni Evropian ka propozuar krijimin e një "muri kundër dronëve". Polonia po përgatitet të nënshkruajë kontratë për sistemin më të madh anti-dronë në Evropë, sipas Ministrit të Mbrojtjes polak Wladyslaw Kosiniak-Kamysz.